Breytingar í Gagnagátt

13.11.2021

  • Gagnagátt Lógó

Okkur þykir miður að erfiðleikar hafa verið með nýja auðkenningu í Gagnagáttina og biðjumst við velvirðingar á því. Breytingarnar eru gerðar til að auka öryggi gagna í gáttinni og þeirra gagna sem sett eru í hana. Um er að ræða meðal annars viðkvæmar persónuupplýsingar og tryggja þarf fjölþætta auðkenningu og rekjanleika aðgerða í gáttinni. 

Hægt er að skrá sig í gáttina með aðalnotanda reksturs eða aukanotendum fyrir starfsmenn rekstraraðila:

  • Aðalnotandi: hægt að nota rafræn skilríki (starfsskilríki frá Auðkenni) eða Íslykil á kt. reksturs
  • Aukanotandi: hægt að nota rafræn skilríki starfsmanns (t.d. í farsíma) eða Íslykil á kt. starfsmanns

Áréttað er að ekki er gerð krafa um að kaupa starfsskilríki frá Auðkenni til að nota í Gagnagáttina þar sem hægt er að skrá inn á aðalnotanda með Íslykli eða skrá inn með aukanotendum.

Ef rekstraraðilar lenda í vandræðum með að stofna aukanotendur geta forsvarsmenn rekstraraðila sent tölvupóst á [email protected] og tilgreint kt. þeirra starfsmenn sem eiga að fá aðgang svo og kennitölu á viðkomandi rekstri. Verður unnið hratt að leysa úr þeim málum sem við fáum send.

Við minnum svo á upplýsingasíðu um kerfi SÍ (http://status.sjukra.is) þar sem breytingar og bilanir eru kynntar.

Með bestu kveðju,
Sjúkratryggingar Íslands

Varðandi frekari aðstoð við rafræn skilríki eða Íslykil má finna aðstoð hér:

Til baka

 


Language:

Þetta vefsvæði byggir á Eplica