Heyrnartæki

Hvernig er sótt um styrk vegna heyrnartækis?

Seljendur senda rafræna umsókn um styrk vegna kaupa á heyrnartækjum, ásamt reikningi og heyrnarmælingu.

Seljendur heyrnartækja verða að hafa rekstrarleyfi frá velferðarráðuneyti.

Rekstrarleyfishafar eru fyrirtækin: Heyrðu, Heyrn, Heyrnartækni og Heyrnarstöðin.

Skilyrði fyrir styrk eru auk þess:

• Umsækjandi er 18 ára eða eldri

• Viðkomandi er sjúkratryggður á Íslandi

Meira um styrkina:

• Fjárhæð styrks er 50.000 kr. eða 100.000 kr., eftir því hvort keypt eru tæki fyrir annað eða bæði eyru.
• Heyrnarmælingar þurfa að vera framkvæmdar af löggiltum heyrnarfræðingi eða háls-, nef- og eyrnalækni.
• Sjúkratryggingar Íslands greiða ekki styrki til þeirra sem kaupa tæki hjá Heyrnar- og talmeinastöð. Þegar tæki eru keypt þar er styrkur dreginn frá kostnaðarverði og styrkþegi greiðir mismun.
• Styrkir eru ekki skattskyldir.
• Allir sjúkratryggðir yfir 18 ára geta sótt um styrk og þar með taldir einstaklingar á dvalar- og hjúkrunarheimilum.

• Tengt efni Hverjir eru sjúkratryggðir?

• Tilvísun Reglugerð um styrki vegna kaupa á heyrnartækjum hjá öðrum en Heyrnar- og talmeinastöð nr. 969/2015
  
• Tilvísun Reglugerð um greiðsluþátttöku ríkisins í hjálpartækjum sem Heyrnar- og talmeinastöð útvegar
• Tilvísun : Reglugerð um breytingu á reglugerð nr. 969-2015 um styrki vegna kaupa á heyrnartækjum hjá öðrum er Heyrnar- og talmeinastöð