Flutningur frá Íslandi

Þegar lögheimili er flutt frá Íslandi hjá Þjóðskrá falla sjúkratryggingar á Íslandi sjálfkrafa strax niður. Til að hægt sé að fá E-104 vottorð eftir flutning til annars EES lands verður að vera búið að flytja lögheimili frá Íslandi hjá Þjóðskrá.


Flutningur til Norðurlandanna

Við flutning til Norðurlanda þurfa einstaklingar að skrá sig inn hjá sjúkratryggingarstofnun í nýja búseturíkinu. Ef að sjúkratryggingarstofnun í búseturíki óskar eftir upplýsingum um fyrri tryggingar og starfstímabil einstaklinga þá þarf að sækja um E-104 vottorð til Alþjóðadeildar Sjúkratrygginga Íslands, sjá næstu skref.

Hægt er að halda tryggingavernd á Íslandi ef um tímabundið starf er að ræða á vegum vinnuveitanda hér á landi. Hafa verður samband við Tryggingastofnun Ríkisins.

Flutningur til EES lands eða Sviss

Ef flutt er til annars EES lands eða Sviss gilda reglur viðkomandi lands um aðgang að almannatryggingum. Einstaklingar þurfa að afskrá lögheimili sitt á Íslandi hjá Þjóðskrá og skrá sig hjá sjúkratryggingarstofnun í nýja búseturíkinu. Ef að sjúkratryggingarstofnun í búseturíki óskar eftir upplýsingum um fyrri tryggingar og starfstímabil einstaklinga þá þarf að sækja um E-104 vottorð til Alþjóðadeildar Sjúkratrygginga Íslands, sjá næstu skref.

Hægt er að halda tryggingarvernd á Íslandi ef um tímabundin störf er að ræða á vegum vinnuveitanda hér á landi. Hafa verður samband við Tryggingastofnun Ríkisins. 

Flutningur til lands utan EES

Einstaklingum er skylt að skrá lögheimili sitt viðkomandi landi þegar búseta er flutt frá Íslandi. Hægt er að halda tryggingavernd á Íslandi ef um tímabundna dvöl eða vinnu er að ræða á vegum vinnuveitanda hér á landi, að hámarki í 1 ár frá flutningi. Hafa verður samband við Alþjóðadeild Sjúkratrygginga Íslands.

Athugið að sérreglur gilda um námsmenn, ekki á að vera þörf á að flytja lögheimili sitt þegar flutt er tímabundið til annars lands vegna náms. 


Til baka

 


Language:

Þetta vefsvæði byggir á Eplica