Útganga Bretlands úr ESB 31. janúar 2020 en með aðlögunartímabili út árið 2020 eða til 31.12.2020

23.12.2020

Ekki liggur enn fyrir hvort samningar náist við Bretland eftir að útgöngusamningur endar og því miðast allar upplýsingar hér við að enginn samningur sé í gildi eftir 31.12.2020.

Hafa verður þó í huga að þau réttindi sem stofnast fyrir 31.12.2020 munu halda sér þar til réttindi enda eða rof kemur á réttindin samkvæmt útgöngusamningi.

Almennt verður það þó þannig að ekki verður í gildi neinn milliríkjasamningur varðandi almannatryggingar milli Íslands og Bretlands og því er farið eftir þeim reglum sem gilda um lönd utan EES.

Upplýsingar hér að neðan miðast sem fyrr segir við að enginn samningur verði gerður við Bretland, upplýsingar verða uppfærðar ef samningur verður gerður.

Breskir ríkisborgarar búsettir á Íslandi fyrir 01.01.2021:
Þeir einstaklingar sem eru búsettir hér og sjúkratryggðir á Íslandi/Bretlandi halda réttindum sínum hér á landi þrátt fyrir útgöngu Breta. Sjúkratrygging er búsetutengd en önnur réttindi byggjast þó á ríkisborgararétti. Ríkisborgarar frá löndum utan EES landa falla því ekki undir reglugerð EB nr. 883/2004 sbr. reglugerð nr. 442/2012. Þetta hefur þau áhrif að breskir ríkisborgarar sem eru sjúkratryggðir á Íslandi fá ekki útgefið ES kort né önnur réttindi sem falla undir reglugerðina. Í staðin fá þeir útgefna tryggingaryfirlýsingu þegar þeir ferðast bæði innan og utan EES.

Íslenskir ríkisborgarar búsettir í Bretlandi fyrir 01.01.2021:
Þeim einstaklingum sem eru búsettir í Bretlandi og sjúkratryggðir í Bretlandi/Íslandi er ráðlagt að hafa samband við NHS í Bretlandi til að fá staðfestingu á áframhaldandi réttindum sínum samkvæmt útgöngusamningi (sjá frekari upplýsingar hér https://www.stjornarradid.is/efst-a-baugi/frettir/stok-frett/2020/01/28/Samningur-vegna-utgongu-Bretlands-ur-Evropska-efnahagssvaedinu-undirritadur/).

Einstaklingar sem ætla að ferðast til Bretlands:
Ekki verður hægt að framvísa ES korti vegna nauðsynlegrar heilbrigðisþjónustu í Bretlandi frá og með 01.01.2021 nema ferðalag hafi byrjað fyrir 01.01.2021, hafa verður samband við Sjúkratryggingar Íslands á netfangið international@sjukra.is til að fá staðfestingu um slíkt. Eftir 31.12.2020 gilda sömu reglur og um nauðsynlega heilbrigðisþjónustu utan EES. Leggja þarf út fyrir lækniskostnaði og sækja síðan um endurgreiðslu til Sjúkratrygginga Íslands.
https://www.sjukra.is/heilbrigdisthjonusta/rettindi-milli-landa/ferdamenn/ferdamenn-utan-ees/

Námsmenn sjúkratryggðir á Íslandi, við nám í Bretlandi:
Sömu reglur gilda um námsmenn í Bretlandi og í öðrum löndum utan EES nema fyrir þá sem hófu nám fyrir 01.01.2021, þá haldast réttindi óbreytt. Þeir eiga rétt á að halda lögheimili sínu á Íslandi meðan á námi stendur og halda þ.a.l. sjúkratryggingu sinni í allt að 6 mánuði eftir að námi lýkur. Ekki verður hægt að framvísa ES korti vegna nauðsynlegrar heilbrigðisþjónustu í Bretlandi frá og með 01.01.2021 nema nám hafi hafist fyrir þann tíma, hafa verður samband við Sjúkratryggingar Íslands á netfangið international@sjukra.is til að fá staðfestingu um slíkt..

Eftir 31.12.2020 gilda sömu reglur og um nauðsynlega heilbrigðisþjónustu utan EES. Leggja þarf út fyrir lækniskostnaði og sækja síðan um endurgreiðslu til Sjúkratrygginga Íslands. https://www.sjukra.is/heilbrigdisthjonusta/rettindi-milli-landa/flutningur-milli-landa/namsmenn-erlendis/nam-utan-ees-landa/

Þá gilda sömu reglur um vinnslu og meðferð persónuupplýsinga í tengslum við umrædda málaflokka, sjá nánar persónuverndarstefnu SÍ: https://www.sjukra.is/media/skjol/Personuverndarstefna-SI-vegna-einstaklinga.pdf.

Uppfært efni um undirbúning viðræðna um framtíðarsamband Íslands og Bretlands er í vinnslu, sbr. eftirfarandi: https://www.stjornarradid.is/verkefni/utanrikismal/brexit/

Spurt og svarað vegna Brexit: https://www.stjornarradid.is/verkefni/utanrikismal/brexit/spurt-og-svarad-um-brexit/

Information in english about Brexit: https://www.government.is/topics/foreign-affairs/iceland-in-europe/brexit/

Einnig er bent á frétt frá utanríkisráðuneytinu um undirritun samnings um útgöngu Bretlands: https://www.stjornarradid.is/efst-a-baugi/frettir/stok-frett/2020/01/28/Samningur-vegna-utgongu-Bretlands-ur-Evropska-efnahagssvaedinu-undirritadur/

Mikilvægar upplýsingar eru einnig að finna á síðu Bretlands / Important information on Brexit from UK in English: www.gov.uk/brexit

Fyrir frekari upplýsingar hafið þá samband við international@sjukra.is

Kveðja,
Starfsfólk Alþjóðadeildar
Sjúkratryggingar Íslands