Ný reglugerð um þátttöku sjúkratrygginga í kostnaði við tæknifrjóvganir

3.1.2019

Helsta breytingin er að nú taka sjúkratryggingar þátt í kostnaði við 1. og 2. meðferð en  áður var greiðsluþátttaka sjúkratrygginga bundin við 2. – 4. meðferð.  Að auki er ekki lengur skilyrði að um sé að ræða par sem ekki á barn saman eða einhleypa konu sem ekki á barn, eins og var í eldri reglugerð.

Endurgreiðsla sjúkratrygginga er nú sem hér segir:

1. 5% af fyrsta skipti í glasafrjóvgun (IVF) og smásjárfrjóvgun (ICSI).
2. 30% af öðru skipti í glasafrjóvgun (IVF) og smásjárfrjóvgun (ICSI).
3. 65% af eftirtöldu:
   1. vegna eggheimtu og frystingu eggfruma þegar um er að ræða konur með yfirvof­andi ófrjósemisvandamál vegna fyrirsjáanlegrar lyfjameðferðar, geislameðferðar eða beinmergs­flutnings,
   2. fyrir að þíða egg og frjóvga, sbr. tl. a,
   3. vegna ástungu á eista og frystingu sáðfruma þegar um er að ræða karlmenn með yfirvof­andi ófrjósemisvandamál vegna fyrirsjáanlegrar lyfjameðferðar, geisla­meðferðar eða beinmergs­flutnings,
   4. vegna geymslugjalds á frystum fósturvísum/eggfrumum/sáðfrumum, í þeim tilfellum sem tilgreind eru í tölul. a og c, þó að hámarki í 10 ár.

Greiðsluþátttaka sjúkratrygginga miðast við gjaldskrá sem Sjúkratryggingar Íslands gefa út