Ný reglugerð um greiðsluþátttöku sjúkratrygginga í kostnaði vegna heilbrigðisþjónustu tekur gildi þann 1. janúar 2020

19.12.2019

Helstu breytingar frá fyrri reglugerð eru að greiðslumark almennings verður 26.800 kr. í stað 26.100 kr. og greiðslumark ellilífeyrisþega, örorkulífeyrisþega og barna verður 17.900 kr. í stað 17.400 kr. Lágmarksgreiðsla á mánuði verður því 4.467 kr. hjá almennum einstaklingum og 2.983 kr. hjá ellilífeyrisþegum, örorkulífeyrisþegum og börnum sem eru ekki með tilvísun frá heimilis- eða heilsugæslulækni.

Þá lækkar komugjald einstaklinga vegna komu á þá heilsugæslu þar sem viðkomandi er skráður á en jafnframt hækkar það ef farið er á heilsugæslu þar sem einstaklingur er ekki skráður á. Komugjald einstaklinga á þá heilsugæslustöð þar sem þeir eru skráðir á verður 700 kr. og komugjald einstaklinga á heilsugæslustöð sem viðkomandi er ekki skráður á verður 1.200 kr.

Komugjald á heilsugæslu og læknavakt eru gjaldfrjáls fyrir ellilífeyrisþega, örorkulífeyrisþega og börn.

Komugjald vegna komu, endurkomu og komu á bráðamóttöku sjúkrahúsa verður 6.900 kr. hjá almennra einstaklinga en verður 4.600 kr. hjá ellilífeyrisþegum, örorkulífeyrisþegum og hjá börnum sem eru ekki með tilvísun frá heimilis- eða heilsugæslulækni. Komugjald á göngudeildir sjúkrahúsa verður 3.800 kr. fyrir almenna einstaklinga en 2.500 kr. hjá ellilífeyrisþegum, örorkulífeyrisþegum og börnum sem eru ekki með tilvísun frá heimilis- eða heilsugæslulækni.

Reglugerðina má nálgast á heimasíðu Sjúkratrygginga Íslands og á vef Stjórnartíðinda

Til baka

 


Language:

Þetta vefsvæði byggir á Eplica