Kostnaður lyfja við ADHD aukist mikið hjá fullorðnum

18.8.2010

Kostnaður sjúkratrygginga á þessu ári vegna lyfja við ADHD stefnir í að þrefaldast frá árinu 2006 en athygli vekur að mikil aukning er á notkun lyfsins hjá fullorðnum. Notkun lyfja við ADHD er einnig talsvert meiri hér á landi en annars staðar á Norðurlöndum.

Í nýútgefnu fréttabréfi Sjúkratrygginga Íslands kemur fram að kostnaður sjúkratrygginga á þessu ári vegna lyfja við ADHD stefnir í 762 milljónir kr. sem er nær þreföld aukning miðað við árið 2006. Lyfið metýlfenídat (Ritalin, Ritalin Uno og Concerta)er kostnaðarmesta lyfið hjá sjúkratryggingum

Athygli vekur að mesta aukning í notkun lyfsins sést hjá fullorðnum. Kostnaður vegna þeirra sem eru 20 ára og eldri nam 200 milljónum kr. eða um 43% af heildarkostnaði.  Í fréttabréfinu kemur einnig fram að notkun lyfja við ADHD er mun meiri hér á landi en annars staðar á Norðurlöndum.

Til baka

 


Language:

Þetta vefsvæði byggir á Eplica