Vinnsla persónuupplýsinga vegna umsóknar um sjúkratryggingu

Með undirritun sinni á umsókn staðfestir umsækjandi að upplýsingar sem þar eru skráðar séu réttar. Um vinnslu persónuupplýsinga í tengslum við meðferð málsins er farið eftir ákvæðum 50. gr. laga nr. 112/2008 um sjúkratryggingar, ákvæðum laga um persónuvernd og vinnslu persónuupplýsinga nr. 90/2018 og eftir lögum nr. 97/1997 um réttindi sjúklinga, þegar við á. Farið er með allar upplýsingar sem tengjast umsókninni sem trúnaðarmál.

Við vinnslu persónuupplýsinga eru gerðar viðeigandi tæknilegar og skipulagslegar ráðstafanir til að tryggja öryggi gagnanna. Þá fer miðlun gagna fram í gegnum öruggar vefgáttir og málsgögn eru varðveitt í öruggu rekstrarumhverfi. Um varðveislu gagna fer eftir lögum nr. 77/2014 um opinber skjalasöfn.

Frekari upplýsingar um vinnslu persónuupplýsinga hjá SÍ og persónuvernd er að finna í persónuverndarstefnu SÍ vegna einstaklinga sem eiga samskipti við stofnunina: https://www.sjukra.is/personuvernd/personuverndarstefna/

Söfnun upplýsinga:

Sjúkratryggingar Íslands (SÍ) munu við vinnslu umsóknar um sjúkratryggingu afla upplýsinga, ef það er talið nauðsynlegt, frá eftirfarandi stofnunum:

Vinnumálastofnun:

  • Upplýsingar um atvinnuleysisbætur
  • Upplýsingar um atvinnuleysisbætur erlendis (U2 vottorð)
  • Upplýsingar um brottför frá öðru landi til Íslands: Réttur til atvinnuleysisbóta (U1 vottorð)

Skattinum:

  • Upplýsingar um skattgreiðslur (mán/ár) Information
  • Nafn atvinnurekanda

Tryggingastofnun ríkisins:

  • Upplýsingar um örorkumat (stöðu)
  • Upplýsingar um greiðslur vegna örorku (stöðu)

Þjóðskrá Íslands:

  • Upplýsingar um nafn, kennitölu og heimilisfang
  • Upplýsingar um börn og maka
  • Upplýsingar um síðasta búsetuland
  • Upplýsingar um hvernær viðkomandi var skráður í landið

Söfnun upplýsinganna byggir á 3. mgr. 34. gr. laga nr. 112/2008 um sjúkratryggingar og 3. gr. laga nr. 70/2018 um Þjóðskrá Íslands.

Miðlun upplýsinga

SÍ munu miðla upplýsingum um niðurstöðu máls, þ.e. upplýsingum um hvort umsækjandi sé sjúkratryggður eða ekki, til heilbrigðisstofnana, Tryggingastofnunar ríkisins og annarra stofnana, í samræmi við ákvæði 5. tl. 1. mgr. 9. gr laga nr. 90/2018.

Nánar um umsóknarferlið

Ef ekki reynist unnt að taka ákvörðun um bótarétt, fjárhæð og greiðslu bóta og endurskoðun þeirra vegna skorts á nauðsynlegum upplýsingum sem rekja má til umsækjanda er sjúkratryggingastofnuninni heimilt að fresta ákvörðun og greiðslu bóta þar til úr því er bætt. Stofnunin skal tafarlaust gera viðkomandi viðvart ef til frestunar kemur og skora á hann að veita nauðsynlegar upplýsingar, sbr. 5. mgr. 34. gr. laga nr. 112/2008 um sjúkratryggingar. 


 


Language:

Þetta vefsvæði byggir á Eplica