Heilbrigðisþjónusta yfir landamæri innan EES lands

Í mars 2016 voru samþykktar breytingar á lögum um sjúkratryggingar sem fela í sér innleiðingu tilskipunarinnar ESB á Íslandi frá og með 1. júní 2016. Sett hefur verið reglugerð nr. 484/2016 um nánari framkvæmd tilskipunarinnar.

Með gildistöku á sjúkratryggður rétt á að sækja sér heilbrigðisþjónustu þar sem hann kýs sjálfur innan EES svæðisins, að uppfylltum ákveðnum skilyrðum. Þá munu sjúkratryggingar greiða sömu upphæð og þjónustan kostar hér á Íslandi. Ekki er greitt fyrir ferða- og uppihaldskostnað né fylgdamannskostnað. Skilyrði er einnig greiðsluþátttaka sé til staðar á Íslandi fyrir sambærilega þjónustu.

Ef um innlögn er að ræða verður að sækja um samþykki Sjúkratrygginga fyrirfram. Umsókn er hér til hægri.

Sjá mismunandi skilyrði eftir mismunandi greinum reglugerðar nr. 484/2016

2. gr. reglugerðarinnar - Almennt 

Nú velur sjúkratryggður að sækja sér heilbrigðisþjónustu í öðru aðildarríki EES-samningsins og endurgreiða þá Sjúkratryggingar Íslands kostnað af þjónustunni eins og um heilbrigðisþjónustu innanlands væri að ræða enda sé þjónustan samsvarandi þeirri þjónustu sem sjúkratryggingar taka til hér á landi."

Listi yfir samþykkt mál 2016 og 2017

Listi yfir samþykkt mál 2018  uppfært 1.11.2018

9. gr. reglugerðarinnar - Fyrirfram samþykki

Áður en sjúkratryggður ákveður að sækja heilbrigðisþjónustu til annars aðildarríkis EES-samningsins skv. 2. gr., skal hann í eftirtöldum tilvikum sækja um fyrirfram samþykki fyrir endurgreiðslu eða þátttöku í kostnaði frá Sjúkratryggingum Íslands:

  1. Þegar meðferð krefst innlagnar á sjúkrahús í a.m.k. eina nótt eða óslitinnar meðferðar í meira en sólarhring.
  2. Þegar meðferð felur í sér sérstaka áhættu fyrir sjúkling eða almenning.
  3. Þegar tilefni er til að efast um gæði þjónustunnar sem sótt er.

Þegar sjúkratryggður, sem er með sjaldgæfan sjúkdóm eða er talinn vera með sjaldgæfan sjúkdóm, sækir um fyrirfram samþykki geta Sjúkratryggingar Íslands látið fara fram mat sérfræðinga á því sviði.

Sjúkratryggingar Íslands skulu afgreiða umsóknir um fyrirfram samþykki eins fljótt og unnt er. Líta skal til heilsufars sjúklings við afgreiðslu umsókna og hve áríðandi skjót afgreiðsla er fyrir heilsu sjúklings. 

Listi yfir samþykkt mál 2016 og 2017 

Listi yfir samþykkt mál 2018  uppfært 1.11.2018

12. gr. reglugerðarinnar - Nauðsynleg læknisþjónusta vegna tímabundinnar dvalar erlendis.

 „Nú er sjúkratryggðum nauðsyn að leita sér heilbrigðisþjónustu þar sem hann er tímabundið staddur erlendis í aðildarríki EES-samningsins og skulu Sjúkratryggingar Íslands þá endurgreiða kostnað af því í samræmi við ákvæði 2. gr. í þeim tilvikum þegar þjónustan er veitt af einkarekinni stofnun eða aðila sem starfar utan opinbers heilbrigðiskerfis á viðkomandi stað.“

Tekur til nauðsynlegrar heilbrigðisþjónustu sjúkratryggðs einstaklings vegna tímabundinnar dvalar og þegar þjónustan er veitt utan opinbers heilbrigðiskerfis. Ekki er endurgreitt skv. þessari grein ef einstaklingur er búsettur í öðru landi. 

Listi yfir samþykkt mál 

Gagnaskil - mikilvægt að lesa 

Þegar sótt er um endurgreiðslu þurfa eftirfarandi gögn að berast Sjúkratryggingum:

  • Umsókn um endurgreiðslu á erlendum sjúkrakostnaði, sjá hér til hægri.
  • Sundurliðaður, númeraður viðurkenndur reikningur úr bókhaldskerfi þjónustuaðila
  • Greiðslustaðfesting
  • Læknabréf (á sérstaklega við þegar um innlagnir er að ræða)
  • Flugmiðar – fram og til baka sem staðfesta tímabundna dvöl. 

Sjúkratryggingar Íslands mæla með að ávallt sé óskað eftir að fá öll gögn á ensku þar sem stofnunin getur krafist þess að málsgögn séu þýdd af löggiltum þýðanda og sá kostnaður greiðist ekki af Sjúkratryggingum Íslands.

Hvernig er hægt að senda til okkar umsóknir og nauðsynleg gögn?

  • Senda umsóknir ásamt gögn með öruggum gagnaskilum í gegnum Réttindagátt-mínar síður eða Gagnagátt meðferðarlæknis til Alþjóðadeildar
  • Koma með umsókn og gögn í Þjónustuver okkar að Vínlandsleið 16 alla virka daga milli kl 10-15. Hægt að fá þar aðstoð við útfyllingar á umsóknum.
  • Senda umsókn og gögn með Póstinum með utanáskrift:
    Sjúkratryggingar Íslands,
    Bt. Alþjóðadeildar
    Vínlandsleið 16
    150 Reykjavík
  • Senda umsókn (undirrtaða) ásamt gögnum á netfangið: international@sjukra.is


Til baka

 


Language:

Þetta vefsvæði byggir á Eplica