Hverjir eru sjúkratryggðir?

Sjúkratryggingar í almannatryggingakerfinu á Íslandi fylgja búsetu í landinu. Það er ekki nóg að hafa kennitölu eða íslenskan ríkisborgararétt til að vera sjúkratryggður. Ef lögheimili er flutt úr landi hjá Þjóðskrá falla sjúkratryggingar sjálfkrafa strax niður.

EES ríkisborgarar sem flytja hingað til lands frá EES landi og Sviss eiga rétt á því að vera sjúkratryggðir á Íslandi frá og með þeim degi sem lögheimilisskráningu er lokið hjá Þjóðskrá, svo framarlega sem þeir hafa verið skráðir í almannatryggingakerfi í fyrra búsetulandi (fyrra tryggingalandi). Þetta þýðir með öðrum orðum að tryggingaréttindi almannatryggingakerfa flytjast með einstaklingum milli EES landa og Sviss.

Athugið að skila þarf inn umsókn um sjúkratryggingu þegar flutt er til Íslands frá öðru EES landi og Sviss til að viðkomandi geti orðið sjúkratryggður frá lögheimilisskráningu í Þjóðskrá.

Umsóknina er að finna hér til hægri á síðunni. Umsóknum er skilað inná Réttindagátt-mínar síður. 

Nánari upplýsingar um ferlið er að finna hér til hægri.

Einstaklingar sem flytja hingað til lands frá löndum utan EES verða sjálfkrafa sjúkratryggðir á Íslandi sex mánuðum eftir að lögheimilisskráningu er lokið hjá Þjóðskrá. 

Börn yngri en 18 ára eru sjúkratryggð með foreldrum sínum. Sama á við um stjúpbörn og fósturbörn. Athugið að miðað er við skráningu í Þjóðskrá.

Þegar lögheimili samkvæmt Þjóðskrá er flutt frá Íslandi fellur sjúkratrygging einstaklings niður. Undantekning á því er þegar einstaklingur fær S1 vottorð útgefið.

Einstaklingar sem eru að flytja aftur til Íslands frá Norðurlöndunum innan 12 mánaða verða sjálfkrafa sjúkratryggðir eftir lögheimilisskráningu í Þjóðskrá.

Námsmenn sem flytja til baka frá Norðurlöndunum innan við sex mánuðum frá námslokum geta komið með staðfestingu á námi fyrir tímabilið ásamt umsókn um skráningu í tryggingaskrá til að verða tryggðir frá og með þeim degi þegar lögheimili er skráð.

Til baka

 


Language:

Þetta vefsvæði byggir á Eplica