Ferðamenn utan EES landa

Ferðast til landa utan EES

Ferðamaður í landi utan EES getur sótt um að fá hluta sjúkrakostnaðar síns endurgreiddan hjá Sjúkratryggingum Íslands þegar heim kemur. Skila þarf inn umsókn um endurgreiðslu erlends sjúkrakostnaðar ásamt sundurliðuðum reikningum frá þjónustuveitanda, greiðslustaðfestingu sem og flugmiða fyrir báðar leiðir. Athugið að Sjúkratryggingar Íslands geta óskað eftir að einstaklingar láta þýða gögn sem ekki eru á ensku.

Athugið að sjúkrakostnaður getur verið innifalinn í þeim tryggingum sem greiðslukortafyrirtæki bjóða þegar farseðlar eru greiddir með greiðslukortum.

Tryggingaryfirlýsing

Sjúkratryggingar Íslands gefa út sérstaka tryggingaryfirlýsingu til einstaklinga sem tryggðir eru hér á landi en hyggjast dvelja um styttri tíma erlendis í löndum sem eru utan EES svæðisins. Þar kemur fram að viðkomandi sé tryggður í almannatryggingum á Íslandi og hvað slík trygging felur í sér.

Athugið að þegar viðkomandi framvísar tryggingayfirlýsingu erlendis þarf hann að greiða fullt verð fyrir þjónustuna og svo skila inn umsókn um endurgreiðslu erlends sjúkrakostnaðar (sjá hér til hægri) ásamt gögnum sem eru talin upp hér að ofan.

Ef reikningar eru mjög háir er einstaklingum bent á að hafa samband við Alþjóðadeild SÍ á netfangið international@sjukra.is eða í síma 515-0002

Einstaklingar sem hafa ríkisfang utan EES landa og eru sjúkratryggðir á Íslandi
Ekki er gefið út evrópskt sjúkratryggingakort til einstaklinga með ríkisfang utan EES landa þó svo einstaklingur sé sjúkratryggður á Íslandi. Þeir fá útgefna svokallaða tryggingayfirlýsingu þegar þeir ferðast sem staðfestir að viðkomandi sé sjúkratryggður í almannatryggingakerfinu á Íslandi. Hægt er að sækja um Tryggingayfirlýsingu inná Réttindagáttinni.


Hvernig er hægt að senda til okkar umsóknir og nauðsynleg gögn?

  • Senda umsóknir ásamt gögn með öruggum gagnaskilum í gegnum Réttindagátt-mínar síður eða Gagnagátt meðferðarlæknis til Alþjóðadeildar
  • Koma með umsókn og gögn í Þjónustuver okkar að Vínlandsleið 16 alla virka daga milli kl 10-15. Hægt að fá þar aðstoð við útfyllingar á umsóknum.
  • Senda umsókn og gögn með Póstinum með utanáskrift:
    Sjúkratryggingar Íslands,
    Bt. Alþjóðadeildar
    Vínlandsleið 16
    150 Reykjavík
  • Senda umsókn (undirrtaða) ásamt gögnum á netfangið: international@sjukra.is


Til baka

 


Language:

Þetta vefsvæði byggir á Eplica