Aukin endurgreiðsla umtalsverðs tannlæknakostnaðar
Heilbrigðisráðherra hefur ákveðið að Sjúkratryggingar Íslands endurgreiði sjúkratryggðum hluta umtalsverðs útlagðs kostnaðar við tannlækningar á árunum 2008 og 2009 vegna alvarlegra afleiðinga fæðingargalla, sjúkdóma eða slysa á tímabilinu.
Endurgreiða skal 75% af kostnaði umfram 40.000 krónur, sem sjúkratryggður hefur sjálfur borið og SÍ eða TR tekið þátt í að greiða, vegna framantalinna tilvika á árunum 2008 og 2009. Þó skal ekki endurgreiða þann kostnað sem sjúkratryggður hefur borið vegna þess að gjaldskrá tannlæknis er meira en 60% hærri en viðmiðunargjaldskrá SÍ.
Útdráttur
Sækja þarf um endurgreiðsluna fyrir 15. febrúar 2010.
Bréf og umsóknareyðublöð hafa verið send til þeirra sem rétt eiga á endurgreiðslu samkvæmt upplýsingum úr greiðslukerfi Sjúkratrygginga.
Bréfið og eyðublaðið má einnig nálgast hér.
Upplýsingar:
Sími: 560-4433 eða í tölvupósti: reynir.jonsson@sjukra.is
Reglugerð nr. 1061/2009 um eingreiðslu sjúkratrygginga á umtalsverðum tannlækniskostnaði.
