Fréttasafn Sjúkratrygginga Íslands

Þann 19. og 20. mars mun teymi frá Sahlgrenska sjúkrahúsinu í Gautaborg haldið fyrirlestra á Landspítalanum en SÍ, LSH og Sahlgrenska vinna eftir samningi um líffæraígræðslu. 

Launamiða 2012 vegna ársins 2011 má nú nálgast í Gagnagátt (mínar síður rekstraraðila). Innskráning fer fram á forsíðu www.sjukra.is undir „Þjónustugáttir SÍ“.

Öll apótek á landinu geta nú fengið upplýsingar rafrænt um hvort einstaklingar hafi lyfjaskírteini auk annarra réttinda. Hætt verður útgáfu þeirra á pappír 10. febrúar nk. Einstaklingar geta sjálfir séð upplýsingar um sitt lyfjaskírteini í Réttindagátt (mínar síður á www.sjukra.is).

Vefur Sjúkratrygginga Íslands www.sjukra.is hafnaði í 6. sæti í úttekt á opinberum vefjum ríkis og sveitarfélaga fyrir árið 2011 með einkunnina 87 af 100. Í úttektinni tóku 267 stofnanir þátt á vegum ríkis og sveitarfélaga.

Gildistími rammasamnings Sjúkratrygginga Íslands (SÍ) og þeirra tannlækna sem eftir honum starfa, hefur verið framlengdur til loka árs 2012.

Gjöld sem sjúkratryggðir greiða fyrir heilbrigðisþjónustu breytast um áramótin en skv. vef velferðarráðuneytisins munu þau hækka að jafnaði um 5,3% í samræmi við áætlun fjárlaga um hækkun sértekna stofnana og þar með vegna verðlags- og gengisbreytinga. Komugjöld á heilsugæslustöðvar og gjald fyrir vitjanir heilsugæslulækna verða óbreytt.

Þorláksmessa kl. 10-12
27-29 desember kl 10-15:30
30. desember kl. 10-12

Nýlega hóf SÍ að senda tilkynningar í tölvupósti til notenda þjónustugátta SÍ(mínar síður) þ.e. Réttindagáttar og Gagnagáttar um að ný greiðsluskjöl og bréf birtast í gáttunum.

Hjálpartækjamiðstöð Sjúkratrygginga Íslands hélt opið hús föstudaginn 18. nóvember sl frá 12-15:30. Rúmlega 200 manns litu við og myndaðist hress og skemmtileg stemmning.

Í tilefni af 25 ára afmæli Hjálpartækjamiðstöðvar Sjúkratrygginga Íslands verður opið hús, föstudaginn 18. nóvember frá kl 12:00 – 15:30 í húsnæði miðstöðvarinnar að Vínlandsleið 16. Meðal þess sem verður í boði er:

Á næstu mánuðum verður lokið við að veita tannlæknisþjónustu börnum tekjulágra foreldra sem fengið höfðu samþykki fyrir þjónustu samkvæmt tímabundnu átaksverkefni. Um er að ræða þau börn sem áttu ólokið meðferð eða höfðu ekki fengið tíma í sumar þegar verkefninu átti að ljúka.

Í Læknablaðinu sem kom út í dag er fjallað um miðlun SÍ á réttindastöðu einstaklinga vegna læknisþjónustu og lyfjakaupa.

Endurgreiðsla kostnaðar vegna sérfræðilækna mun haldast óbreytt en velferðarráðuneytið framlengdi endurgreiðslureglugerð sem rann út 31. október sl.

Föstudaginn 18. nóvember n.k. er ráðgert að halda námskeið fyrir sjúkraþjálfara og ritara sem starfa á stofum sjúkraþjálfara.

Í fréttabréfi SÍ sem kom út í dag kemur fram að nýlega hefur stofnunin hafið rafræna miðlun upplýsinga um réttindastöðu sjúklinga til almennings og veitenda heilbrigðisþjónustu (t.d. lækna og apóteka) bæði í gegnum þjónustugáttir stofnunarinnar og með rafrænni tengingu.

Þetta þýðir að veitendur heilbrigðisþjónustu geta nú nálgast rafrænt upplýsingar til að ákvarða rétta kostnaðarþátttöku sjúklinga án frekari staðfestinga eða framvísunar á afsláttarskírteinum. Á sama tíma getur almenningur skoðað rafrænt eigin réttindi, sótt afsláttarkort og skoðað reikningsyfirlit og endurgreiðslur vegna heilbrigðisþjónustu.

Auk Réttindagáttar (mínar síður einstaklinga) Sjúkratrygginga Íslands auðkennir á annan tug stofnana sína þjónustuvefi í gegnum Ísland.is. Ísland.is hefur nú tekið þjónustu sína skrefi lengra og býður upp á eina innskráningu inn á alla vefi sem auðkenna sig í gegnum síðuna. Réttindagáttin er einn af fyrstu þjónustuvefjunum sem tekur þátt í þessu samstarfi.

Í nýjasta fréttabréfi SÍ sem gefið er út í dag er fjallað um árangur í lækkun þunglyndislyfjakostnaðar. Kostnaðurinn hefur lækkað um 488 millj. kr. á einu ári frá 1. júní 2010 til 31. maí 2011 miðað við síðustu 12 mánuði á undan. Þetta gerist þrátt fyrir að ávísað hafi verið þunglyndislyfjum á svipaðan fjöldi fólks frá fyrra tímabili.

Þann 1. september sl. tók gildi nýr rammasamningur Sjúkratrygginga Íslands (SÍ) um talmeinaþjónustu. Af þeim 20 talmeinafræðingum sem starfa sjálfstætt á stofu á Íslandi hafa 17 þeirra nú samið við SÍ. Áður höfðu 9 talmeinafræðingar verið á samningi við SÍ og því bætast 8 við á nýjan samning.

Þjónusta Sjúkratrygginga Íslands og Tryggingastofnunar verður framvegis opin frá kl. 10:00 til 15.30. Þjónustumiðstöðin að Laugavegi 114, Hjálpartækjamiðstöðin að Vínlandsleið 16 og símaþjónustan verða opnar þennan tíma alla virka daga. Skiptiborð Tryggingastofnunar og Sjúkratrygginga Íslands, þ.á.m.  Hjálpartækjamiðstöðvar, verður hins vegar virkt frá kl. 10.00 til 16.00 alla virka daga.

Sjúkratryggingar Íslands eru nú gestgjafar árlegrar norrænnar ráðstefnu um sjúklingatryggingu. Ráðstefnan verður haldin á Hótel Selfossi dagana 31. ágúst til 2. september n.k.

Upplýsingaeinblöðungur hefur verið útbúinn um afsláttarkort og Réttindagátt (mínar síður einstaklinga á sjukra.is). Einblöðungurinn er ætlaður almenningi og er aðgengilegur hér að neðan. Í Réttindagáttinni er hægt að nálgast afsláttarkort, skoða stöðu kortsins og hvaða reikninga SÍ hefur móttekið.

Nú hefur Réttindagátt opnað hér á sjukra.is sem eru „mínar síður“ fyrir einstaklinga og rafræn samskipti þeirra við Sjúkratryggingar Íslands. Í Réttindagáttinni geta einstaklingar fengið upplýsingar um réttindi sín vegna heilbrigðisþjónustu. Þar er hægt að skoða:

Vakin er athygli á að frá 11. júlí til og með 22. júlí nk. verður þjónusta Sjúkratrygginga Íslands (SÍ) og Tryggingastofnunar (TR) á Laugavegi 114 takmörkuð.

Sjúkratryggingar Íslands (SÍ) hafa framlengt samning við tannlækna um forvarnarskoðanir þriggja, sex og tólf ára barna til næstu áramóta. Skoðunin er greidd ef hún fer fram á meðan börn eru á þessum aldri.

Í dag tengdust öll apótek Lyfja og heilsu rafrænu kerfi Sí vegna uppflettingar á réttindastöðu þeirra einstaklinga sem fá afgreidd lyf.

Á mánudaginn kynnti velferðaráðherra hækkanir bóta almanna- og atvinnuleysistrygginga í tengslum við kjarasamninga. Vakin er athygli á að þær upphæðir sem þar koma fram eru fyrir staðgreiðslu skatta..

Vegna bilunar í tölvukerfi SÍ eru tengingar ytri aðila við kerfi stofnunarinnar óvirkar. Þetta á við um allar tengingar nema réttindauppflettingu apóteka. Unnið er að viðgerð og verður tilkynnt um leið og henni lýkur.

Ágæti viðskiptavinur. 
Á tímabilinu 1. júní til 31. ágúst verða þjónustumiðstöðin, Hjálpartækjamiðstöðin og símaþjónustan opin frá kl. 10.00 til 15.30. Skiptiborð Sjúkratrygginga Íslands og Tryggingastofnunar , þ.á.m.  Hjálpartækjamiðstöðvar, verður virkt frá kl. 10.00 til 16.00

Umsóknarfrestur vegna endurgreiðslu sjúkrahótels rann út 1. maí 2011 og er því liðinn.

Samningar hafa tekist milli Sjúkratrygginga Íslands og Læknavaktarinnar ehf. um móttökuvakt og vitjanaþjónustu heimilislækna utan dagvinnutíma heilsugæslustöðva í Reykjavík og nágrenni. Guðbjartur Hannesson velferðarráðherra staðfesti samningana í dag.

Samkvæmt ársskýrslu lyfjadeildar Sjúkratrygginga Íslands (SÍ) lækkaði lyfjakostnaður sjúkratrygginga um 1.149 millj. kr. eða um 10,7% á árinu 2010 þrátt fyrir að notkun mæld í dagskömmtum hafi aukist um 5,9%. Megin­ástæða lækkunarinnar var aukin notkun ódýrari lyfja í kjölfar breytinga á reglum um greiðslu­þátttöku lyfja í nokkrum lyfjaflokkum.

Sjálfstætt starfandi sérgreinalæknar starfa nú án samnings við Sjúkratryggingar Íslands (SÍ).  Til að tryggja greiðsluþátttöku SÍ hefur velferðarráðuneytið sett reglugerð sem kveður á um þátttöku sjúkratrygginga í nauðsynlegum kostnaði sjúkratryggðra vegna þjónustu sérgreinalækna sem starfa án samnings við SÍ, sjá reglugerð.  Þátttakan tekur til kostnaðar vegna verka sem tilgreind eru í gjaldskrá SÍ, sjá gjaldskrá. Reglugerðin og gjaldskrá SÍ gilda frá og með 1. apríl 2011.

Nýlega náðist mikilvægur áfangi á leið Sjúkratrygginga til útfærslu rafræns afsláttarkorts til hagsbóta fyrir sjúkratryggða einstaklinga sem sækja sér læknisþjónustu.

Hafin er rafræn sending upplýsinga um kostnað við komur einstaklinga til Heilsugæslu höfuðborgarsvæðisins og Heilbrigðisstofnunar Suðurlands til Sjúkratrygginga Íslands og gildir það fyrir allar kvittanir frá 1. Janúar 2011.  

Guðbjartur Hannesson velferðarráðherra hefur staðfest samning milli Sjúkratrygginga Íslands og Þrautar ehf. um tilraunaverkefni sem felur í sér þverfaglega þjónustu við sjúkratryggða einstaklinga með vefjagigt og tengda sjúkdóma.

Launamiðar 2011 vegna ársins 2010 má nú nálgast á Gagnagátt.  Innskráningarglugga á gáttina er að finna á heimasíðu Sjúkratrygginga Íslands (SÍ), www.sjukra.is og velja þar Gagnagátt.

Sjúkratryggingum Íslands hefur verið falið að endurgreiða kostnað sjúkratryggðra   sem dvöldu á  sjúkrahótelinu Lind á tímabilinu 15. september 2005 til og með 30. september 2009. Unnt er að sækja  um endurgreiðslu hér fyrir neðan og er umsóknarfrestur til 1. maí 2011.

Sjúkratryggingar Íslands (SÍ) og Háskólasjúkrahúsið í Lundi í Svíþjóð (HLS) undirituðu í morgun samning, að viðstöddum velferðarráðherra, um hjartaskurðaðgerðir á börnum. HLS stendur einna fremst á Norðurlöndum í hjartaskurðlækningum og með samningnum næst umtalsverð lækkun á kostnaði frá fyrri samningi við Barnaspítalann í Boston auk þess sem að ferðatími styttist og ferðatíðni eykst.

Greiðsluþátttaka einstaklinga í heilbrigðisþjónustu og lyfjakostnaði hækkaði 1. janúar 2011 til samræmis við verðlagsþróun og forsendur fjárlaga.

Endurbætt Gagnagátt opnaði nú um áramótin. Gáttin er „mínar síður“ fyrir rekstraraðila t.d. heilbrigðisstarfsmenn. Hún eykur skilvirkni og bætir þjónustu við rekstraraðila.

Sjúkratryggingar Íslands verða lokaðar á gamlársdag og Þjónustumiðstöð að Laugavegi 114 og Hjálpartækjamiðstöð að Vínlandsleið 16 opna kl. 10.00 þann 3. janúar á nýju ári.

Nýverið náðist sá áfangi að allar heilbrigðisstofnanir (heilsugæsla og spítalar) í eigu ríkisins geta sent rafræna umsókn um lyfjaskírteini til Sjúkratrygginga Íslands (SÍ). Frá sama tíma  hófst rafræn miðlun um réttindastöðu og lyfjaskírteini til fyrsta apóteksins. Gera má ráð fyrir að apótek muni tengjast SÍ, eitt af öðru og er áætlað að öll apótek verði orðin tengd um miðjan janúar n.k.

Af gefnu tilefni vilja Sjúkratryggingar Íslands árétta  eftirfarandi:

Sjúkratryggingar Íslands hófu í októbermánuði miðlun réttindastöðu til apóteka. Lyfjaver reið á vaðið með þessa tengingu. Um er að ræða rauntímatengingu milli apóteks og SÍ þar sem svarað er fyrirspurn um m.a. tilvist lyfjaskírteinis vegna tilgreindra lyfja.

SÍ eru nú að hefja rafræna miðlun í rauntíma til veitenda heilbrigðisþjónustu um m.a. réttindastöðu sjúkratryggðra. Um áramótin opnar á www.sjukra.is Réttindagátt og Gagnagátt verður endurskoðuð.

Á vef heilbrigðisráðuneytisins kemur fram að breytingar sem gerðar hafa verið á greiðsluþátttöku ríkisins í lyfjakostnaði og fleiri aðgerðir hafa sparað þjóðarbúinu hátt á þriðja milljarð króna á ársgrundvelli.

Sjúkratryggingar Íslands tóku til starfa þennan dag árið 2008 samhliða gildistöku nýrra  laga um sjúkratryggingar nr.112/2008.

Heilbrigðisráðherra hefur undirritað tvær reglugerðir, annars vegar reglugerð um þátttöku sjúkratrygginga í kostnaði við tannlækningar og hins vegar reglugerð um brýna læknismeðferð erlendis. Markmiðið er að einfalda og samræma eldri reglugerðir.

Í frétt á vef heilbrigðisráðuneytisins kemur fram að skipaður hefur verið vinnuhópur til að skipuleggja aðgerðir til að draga úr ofnotkun og koma í veg fyrir misnotkun á methýlphenídati, sem birtist umfram allt í mikilli notkun á Ritalini og Ritalin Uno.

Kostnaður sjúkratrygginga á þessu ári vegna lyfja við ADHD stefnir í að þrefaldast frá árinu 2006 en athygli vekur að mikil aukning er á notkun lyfsins hjá fullorðnum. Notkun lyfja við ADHD er einnig talsvert meiri hér á landi en annars staðar á Norðurlöndum.

Heilbrigðisráðherra hefur skipað Sjúkratryggingum Íslands (SÍ) nýja stjórn frá og með 15. ágúst sl.

Á undanförnum mánuðum hafa verið gerðar breytingar á greiðsluþátttöku nokkurra lyfjaflokka. Hér er fjallað um áhrif þessara breytinga á lyfjakostnað sjúkratrygginga.

Sérfræðilækniskostnaður hækkaði um 1,9% þann 1. júní sl. samkvæmt samningi sérfræðilækna við heilbrigðisráðuneytið.

Nú eru eflaust margir á leið til útlanda. Þeir sem ferðast í Evrópu og eru sjúkratryggðir á Íslandi eiga rétt á að fá nauðsynlega opinbera læknisþjónustu á sömu kjörum og íbúar evrópulandsins. Til þess þarf að að framvísa evrópska sjúkratryggingaskírteininu sem gefið er út af Sjúkratryggingum Íslands (SÍ). Mikilvægt er að einstaklingar afli sér upplýsinga um tryggingar sínar hjá hinu opinbera og hjá tryggingafélögum áður en haldið er af stað erlendis.

Greiðsluþátttaka Sjúkratrygginga Íslands (SÍ) vegna þunglyndislyfja* breytist 1. júní n.k. með reglugerð **heilbrigðisráðuneytisins. Breytingin felur í sér að hagkvæmustu þunglyndislyfin verða með almenna greiðsluþátttöku. Markmiðið með breytingunum er að draga úr notkun dýrari þunglyndislyfja og ná þannig fram 200-300 milljóna kr. sparnaði á ársgrundvelli. Um 30 þúsund einstaklingar fengu ávísað þunglyndislyfi á síðasta ári og var kostnaður sjúkratrygginga rúmlega 1 milljarður kr.

Í nýútgefnu fréttabréfi lyfjadeildar Sjúkratrygginga Íslands(SÍ) kemur fram að ef notkun blóðsykurslækkandi lyfja væri með svipuðum hætti og í Noregi væri hægt að að spara 80-100 milljónir kr.

Sjúkratryggingar Íslands ganga í dag frá tímabundnu samkomulagi við Mýflug vegna sjúkraflugs á Vestmannaeyjasvæði. Með samningnum verður þjónusta í sjúkraflugi vegna Vestmannaeyja tryggð. Flugfélag Vestmannaeyja, sem sinnt hefur fluginu undanfarið, hefur misst flugrekstrarleyfi sitt. Því hafa Sjúkratryggingar Íslands sagt upp samningi sínum við félagið.

Sjúkratryggingar Íslands (SÍ) hafa nú hrint í framkvæmd reglugerð nr. 190/2010 vegna alvarlegra tannviðgerða. Afgreiðsla umsókna vegna endurgreiðslu er hafin og hefur SÍ sent þeim einstaklingum sem þegar höfðu lagt inn umsókn bréf þess efnis. Jafnframt munu Sjúkratryggingar hafa samband við þá sem ætla má að eigi rétt skv. reglugerðinni. Umsóknarform fyrir endurgreiðslu hafa einnig verið birt á vef SÍ, sjá neðangreindan hlekk.

Samkvæmt ársskýrslu Lyfjadeildar Sjúkratrygginga Íslands jókst lyfjakostnaður sjúkratrygginga minna á árinu 2009 en búist var við, eða um 16%. Ýmsar sparnaðaraðgerðir drógu úr enn frekari kostnaði vegna falls krónunnar.

Afsláttarkortakerfi vegna heilbrigðisþjónustu hefur verið breytt frá 1. janúar 2010. Greiða þarf fyrir heilbrigðisþjónustu án afsláttar en fá síðan endurgreiðslu frá Sjúkratryggingum Íslands. Þeir sem ekki geta beðið eftir endurgreiðslu geta nálgast afsláttarkort greiðsluskjöl á A4 formi í Réttindagátt  á sjukra.is.

Þjónustusamningur milli Krabbameinsfélags Íslands og Sjúkratrygginga Íslands um skipulagða leit að krabbameini í leghálsi og brjóstum kvenna var undirritaður þann 18. mars í aðalstöðvum Krabbameinsfélagsins í Skógarhlíð. Álfheiður Ingadóttir heilbrigðisráðherra var viðstödd undirritunina og staðfesti samninginn.

Nú fyrir stuttu voru tímamót í sögu Sjúkratrygginga Íslands (SÍ) þegar Heilsugæslustöðin í Efra – Breiðholti sendi stofnuninni fyrstu rafrænu umsóknina (Umsókn um lyfjaskírteini). Er um að ræða mikinn ávinning fyrir viðskiptavinina.  Af þessu tilefni veittu starfsmenn lyfjadeildar SÍ yfirlækni Heilsugæslustöðvarinnar blómvönd.

Hjálpartækjamiðstöð SÍ er flutt í nýtt og rýmra húsnæði að Vínlandsleið 16 í Reykjavík og af því tilefni  verður opið hús fimmtudaginn 18. mars milli kl. 13.00 – 15.00.

Heilbrigðisráðherra hefur undirritað nýja reglugerð um greiðsluþátttöku sjúkratrygginga við kaup á lyfjum. Reglugerðin tók gildi 1. mars sl. Á vef Heilbrigðisráðuneytisins segir:

Frá og með 1. febrúar 2010 hækkar kílómetragjald ferðakostnaðar úr 26,20 kr upp í 28,20 kr. Sjúkratryggðir einstaklingar geta átt rétt á greiðslu ferðakostnaðar vegna sjúkdómsmeðferða sé viðeigandi þjónusta ekki í boði á heimaslóðum. 

Nýtt húsnæði Hjálpartækjamiðstöðvar Sjúkratrygginga Íslands (SÍ) og nýtt vefsvæði SÍ voru tekin í notkun í dag þegar Álfheiður Ingadóttir, heilbrigðisráðherra og Benedikt Jóhannesson, stjórnarformaður SÍ, opnuðu formlega húsnæðið og vefinn.

Meðferð við tal- og málmeinum. Til að veita meðferð við tal- og málmeinum hjá einstaklingum sem eru sjúkratryggðir skv. lögum nr. 112/2008 óska Sjúkratryggingar Íslands (SÍ) eftir sjálfstætt starfandi talmeinafræðingum til að gerast aðilar að rammasamningi um þjónustuna.

Heilbrigðisráðuneyti hefur sett nýja reglugerð um hlutdeild í kostnaði vegna heilbrigðisþjónustu.*  Samkvæmt henni greiða þeir, sem eru 60-69 ára og eru með óskertan ellilífeyri sama gjald fyrir heilbrigðisþjónustu og aldraðir 70 ára og eldri og öryrkjar og aldraðir 67 til og með 69 ára sem nutu örorkulífeyris áður. Reglugerðin gildir frá 1. janúar 2010.

Þann 1. janúar 2010 hækkuðu almennt grunnupphæðir vegna heilbrigðisþjónustu og afsláttarviðmið nema vegna barna.

Sjúkratryggingar Íslands, sjúkratryggingastofnun, tekur til starfa í dag, miðvikudaginn 1. október. Markmið Sjúkratrygginga Íslands og viðfangsefni er að semja um og kaupa heilbrigðisþjónustu.

Á þetta við um þann þátt sem áður var á hendi samninganefndar heilbrigðisráðherra ásamt samningum við sjúkrahús, heilsugæslustöðvar og aðra aðila sem veita þjónustu á heilbrigðissviði. Ætla má að umfang þessara samninga nemi um 100 milljörðum króna á árinu 2010.