21.771 á enn eftir að velja sér heilsugæslustöð

25.11.2016

Í lok síðasta mánaðar var 21.771 íbúi á höfuðborgarsvæðinu óskráður á heilsugæslustöð. Tíundi hver íbúi átti þannig enn eftir að velja sér heilsugæslustöð tveim mánuðum fyrir nýskipan heilsugæslunnar um næstu áramót. 

Til að tryggja öfluga heilsugæslu, bætt aðgengi að góðri og heildstæðri heilbrigðisþjónustu, skiptir miklu máli að allir sjúkratryggðir velji og skrái sig á heilsugæslustöð eða hjá sjálfstætt starfandi heimilislækni sem fyrst. Hver og einn ræður því hvar hann er skráður og getur valið þá stöð sem honum hentar með tilliti til búsetu eða atvinnu.  Umfram allt getur hann valið þá stöð sem að hans mati veitir góða þjónustu. Skráningunni fylgir auk þess fjárveiting frá sjúkratryggingunum. Valið virkar þannig bæði sem viðurkenning og hvatning fyrir heilsugæslustöðvar og lækna sem geta fjölgað í sínu samlagi og vilja vera til fyrirmyndar.

Til að bæta aðgengi að heilsugæslunni verða tvær nýjar stöðvar opnaðar á höfuðborgarsvæðinu í febrúar 2017 annars vegar Heilsugæslan Höfða (að Bíldshöfða 9) og Heilsugæslan Urðarhvarfi (að Urðarhvarfi 8). Hægt er að skrá sig á biðskráningu hjá þessum nýju stöðvum og mun hún þá taka gildi þegar þær opna.

Til þess að skrá sig eða breyta núverandi skráningu á heilsugæslustöð er farið í réttindagátt Sjúkratrygginga Íslands á vefsíðunni www.sjukra.is.

Leiðbeiningar varðandi útfyllingu inní Réttindagátt: smella hér til að sjá

Til baka

 


Language:

Þetta vefsvæði byggir á Eplica