Hjálpartæki
Samdráttur í þjónustu í sumar
Hjálpartækjamiðstöð Sjúkratrygginga Íslands mun ráða færri starfsmenn í sumarafleysingar en venja er og mun það leiða til samdráttar þjónustunnar í sumar.
Það felur meðal annars í sér að panta þarf tíma fyrirfram ef óskað er eftir ráðgjöf frá iðjuþjálfa eða sjúkraþjálfara, auk þess sem dregið verður úr starfsemi setstöðuráðgjafar og fræðslu.
Þá hefur jafnframt verið ákveðið að draga úr þjónustu við uppsetningu á hjálpartækjum í heimahúsum. Vinsamlegast athugið að það nær til uppsetningu hvort sem um er að ræða tæki frá hjálpartækjamiðstöð eða seljendum.
Að lokum skal það tekið fram að búast má við að afgreiðslutími umsókna lengist í sumar.
Hjálpartæki
Sjúkratryggingar Íslands annast afgreiðslu á hjálpartækjum samkvæmt ákveðnum reglum og sjá um endurnýtingu tækjanna.
Í hjálpartækjamiðstöð Sjúkratrygginga Íslands er veitt ráðgjöf og upplýsingar um hjálpartæki og val á þeim. Þar má nálgast leiðbeiningar og fræðslu varðandi hjálpartæki.
Sjúkratryggingar Íslands annast uppsetningu, breytingar, sérsmíði og aðstoð við aðlögun hjálpartækja fyrir notendur eða tryggja að aðrir aðilar annist það. Starfsfólk hjálpartækjamiðstöðvar sér þar að auki um viðhald og viðgerðir á hjálpartækjum í eigu Sjúkratrygginga Íslands eftir að ábyrgð seljanda er útrunnin.
SÍ tekur jafnframt virkan þátt í þróun hjálpartækja og þjónustu vegna þeirra, bæði í innlendum og erlendum verkefnum.
Hjálpartækjamiðstöð:
Vínlandsleið 16, 113 Reykjavík.
Sími: 515 0100
Afgreiðslutími frá 8:30 - 15:30 virka daga.
Símatími iðjuþjálfa er frá kl. 10:00 - 12:00 alla virka daga.
Þjónusta á Kristnesi Eyjafirði
Starfsmenn í heilbrigðis- og félagsþjónustu og notendur hjálpartækja geta pantað tíma og fengið ráðgjöf um hjálpartæki í aðstöðunni á Kristnesi.
Iðjuþjálfarnir Kristín Guðmundsdóttir og Steinunn B. Bjarnarson á Kristnesspítala og FSA sinna þjónustunni.
Símatími iðjuþjálfa er mánudaga, þriðjudaga og miðvikudaga kl. 12:30 - 14:00 í síma 463 0399.
Einnig er hægt að senda þeim tölvupóst á netfangið hjalpartaeki@fsa.is.
Hjálpartækjaþjónustan á Kristnesi verður lokuð 5. júlí – 3. ágúst vegna sumarleyfa.
