Úrræði vegna lyfjaútgjalda

Sjúkratryggingar Íslands vilja benda á neðangreind úrræði vegna lyfjakostnaðar.

Afgreiðsla í minni skömmtum

Í ákveðnum tilfellum er hægt að óska eftir því við apótek að fá lyf afgreidd í minni skömmtum. Til dæmis geta apótek afgreitt eins mánaðar skammt í einu þrátt fyrir að lyfseðill sé gefinn út fyrir þriggja mánaða skammti.

Endurgreiðsla vegna mikilla útgjalda

Einstaklingar sem hafa orðið fyrir miklum útgjöldum vegna læknishjálpar, lyfja eða þjálfunar og eru tekjulágir geta átt rétt á endurgreiðslu á hluta kostnaðar hjá Tryggingastofnun ríkisins (TR). Frekari upplýsingar á vef TR.

Lyfjaskírteini

Læknir getur sótt um lyfjaskírteini, að uppfylltum ákveðnum skilyrðum, vegna lyfja sem hafa almennt ekki greiðsluþátttöku SÍ. Sjá upplýsingar um lyfjaskírteini

Greiðsludreifing

Einstaklingar sem eiga í erfiðleikum með að greiða lyf vegna lágra tekna eða óvænts lyfjakostnaðar geta dreift greiðslum. Kostnaðardreifingin er einstaklingum að kostnaðarlausu. 

Hægt er að dreifa lyfjakostnaði á 2-3 greiðslur í byrjun 12 mánaða greiðslutímabils (þ.e. lyfjakostnaði sem greiddur er áður en til þátttöku sjúkratrygginga kemur sbr. viðmiðunarfjárhæðirnar 16.050 kr. fyrir börn, ungmenni, aldraða og öryrkja og 24.075 kr. fyrir aðra sjúkratryggða).  Kostnaði einstaklings umfram 8.000 kr. er hægt að skipta á tvær greiðslur og kostnaði umfram 15.000 kr. er hægt að skipta á þrjár greiðslur.  Lágmarksgreiðsla er aldrei lægri en 4.000 kr.

Samningurinn gildir um lyf sem eru með greiðsluþátttöku SÍ.
 
Til baka

 


Language:

Þetta vefsvæði byggir á Eplica