Viðgerðir

• Þar annast starfsmenn viðhald og viðgerðir á hjálpartækjum í eigu Sjúkratrygginga Íslands eftir að ábyrgð seljanda er útrunnin.
• Markmið starfsfólks Sjúkratrygginga Íslands er að sinna viðgerðum hratt og vel.
• Smærri viðgerðir eru unnar meðan beðið er. Með smærri viðgerðum er ttil dæmis sprungið dekk á hjólastól og þess háttar.
• Almennar viðgerðir eru unnar innan tveggja vinnudaga ef varahlutir eru fyrirliggjandi hér á landi.
• Tæki send til viðgerðar utan af landi eru um 7-8 daga en það er stysti mögulegi tími sem hægt er að ná. Sé notandi einungis með einn hjólastól lánar hjálpartækjamiðstöð venjulegan hjólastól á meðan á viðgerð stendur.
• Varahlutir eru sendir út á land til þeirra aðila sem það vilja og geta skipt um sjálfir, svo fremi að ljóst sé hvaða varahlut vantar.
• Breytingar og sérsmíði á hjálpartækjum taka mislangan tíma, allt eftir eðli mála.
• Mikilvægt er þegar tæki eru send í viðgerð að með þeim fylgi nafn, kennitala, tilkynning um að tækið sé að koma í viðgerð og lýsing á vandamálinu.

Hjálpartækjamiðstöð

Vínlandsleið 16, 113 Reykjavík.

Sími: 515 0100

Afgreiðslutími frá 10:00 - 15:00 virka daga.

Viðgerðaþjónusta utan höfuðborgarsvæðis

Sjúkratryggingar Íslands eru með samninga um viðgerðir á hjálpartækjum við verkstæðið Rafeyri ehf. á Akureyri og Geisla ehf. í Vestmannaeyjum. Með þessum samningum geta notendur fyrir norðan og í Vestmannaeyjum sótt viðgerðarþjónustu í heimabyggð á hjálpartækjum. Gilda sömu reglur um viðgerðir á þessum verkstæðum og á verkstæði SÍ. Notendur á þessum landsvæðum geta einnig valið verkstæði SÍ kjósi þeir það frekar. Vonast er til að þessi þjónusta sé til bóta fyrir notendur hjálpartækja.