Túlkaþjónusta fyrir sjúkratryggða einstaklinga.

Túlkaþjónusta fyrir sjúkratryggða einstaklinga.

 

Frá og með 1. janúar 2016 greiða Sjúkratryggingar Íslands (SÍ) fyrir túlkaþjónustu sjúkratryggðra einstaklinga. 

 

Listi yfir einstaklinga sem veita túlkaþjónustu má finna á heimasíðu Ríkiskaupa.

 

Einstaklingur sem er sjúkratryggður á Íslandi á rétt á túlkaþjónustu.

 

  • Túlkaþjónustan er ætluð einstaklingi sem þarf aðstoð við að skilja upplýsingar um heilsufar sitt og þá heilbrigðisþjónustu sem hann þarf á að halda.
  • Skilyrði er að heilbrigðisstarfsmaður meti nauðsyn á túlkaþjónustu ef  einstaklingur talar ekki íslensku eða notar táknmál.
  • Heilbrigðisstarfsmaður skal skipuleggja notkun túlkaþjónustu á eins hagkvæman hátt og kostur er.   
  • Túlkaþjónustan getur farið fram í gegnum símtæki, fjarbúnað eða á staðnum.
  • Túlkaþjónustan skal valda einstaklingi sem minnstum óþægindum og skal panta túlk fyrirfram ef ljóst er að einstaklingur skilur ekki íslensku eða notar táknmál.

Túlkun fyrir heyrnarlausa og heyrnarskerta annast Samskiptamiðstöð, sbr. lög nr. 129/1990 um samskiptamiðstöð heyrnarlausra og heyrnarskerta. 

 

Greiðsla vegna túlkaþjónustu

 

Túlkur sendir reikning til SÍ, mánaðarlega, vegna veittrar þjónustu ásamt staðfestingu frá viðkomandi heilbrigðisstarfsmanni um nauðsyn túlks fyrir einstaklinginn.  Reikninga skulu sendir til: Sjúkratrygginga Íslands, b.t.; Sjúkraþjónustudeildar, Læknareikningar, Rauðarárstíg 10, 150 Reykjavík.

 

  • Ef nauðsynlegt er að fá túlk inn á stofnun,  fellur sá kostnaður á viðkomandi stofnun.
  • Ef túlkaþjónusta er nauðsynleg fyrir ósjúkratryggðan einstakling fellur sá kostnaður á hann sjálfan. 
  • Reglugerð nr. 1145/2015 um túlkun á upplýsingum um heilsufar og meðferð fyrir sjúklinga sem ekki tala íslensku eða sem nota táknmál hjá heilbrigðisstarfsmönnum má finna á eftirfarandi slóð; http://www.sjukra.is/um-okkur/log-og-reglugerdir/ .
  • Samkvæmt reglugerð nr. 1145/2015 er ekki heimild fyrir SÍ að greiða túlkaþjónustu sem fer ekki fram sökum þess að þjónustan var afpöntuð eða ekki nýtt. 

Frekari upplýsingar.

Almenn viðmið varðandi túlkaþjónustu


Fylgiskjal með reikning vegna túlkaþjónustu

 

Til baka

 


Language:

Þetta vefsvæði byggir á Eplica