Lífeyrisþegar og aldraðir

Tannlæknar ákveða sjálfir verð á meðferð á sinni stofu. Sjúkratryggingar Íslands gefa út eigin gjaldskrá sem stofnunin miðar sínar endurgreiðslur við. Ef gjaldskrá tannlæknis er hærri en gjaldskrá Sjúkratrygginga Íslands greiðir einstaklingur mismuninn þar á milli.

Það getur því borgað sig að bera saman verð áður en meðferð hjá tannlækni hefst.

Hlutfall endurgreiðslu er þannig háttað: (Sjá þó fyrirvara hér að ofan)
Endurgreiðsla til aldraðra og lífeyrisþega sem fá ekki tekjutryggingu	50%
Endurgeiðsla til lífeyrisþega með tekjutryggingu	75%
Endurgreiðsla til lífeyrisþega sem eru langveikir og dveljast  á sjúkrastofnunum eða í þjónustuhúsnæði aldraðra	100%

Til að fá endurgreiðslu þarf að:

• koma frumritum reikninga til þjónustumiðstöðvar Sjúkratrygginga Íslands, Laugavegi 114, 150 Reykjavík. Þeir sem búa utan höfuðborgarsvæðis þurfa að koma sínum reikningum til umboða.
  
• veita Sjúkratryggingum upplýsingar um bankareikning hér á vefnum.

Tekið er við reikningum í pósti eða í afgreiðslu, þar sem þeir eru settir í sérstakt umslag.

Ef þú ert á ferð eftir lokun þjónustumiðstöðvar er póstkassi við innganginn en þar er hægt að setja umslög með reikningum allan sólarhringinn. Með reikningum þarf að koma skýrt fram hverjum á að greiða.

• Tilvísun Reglugerð um þátttöku sjúkratrygginga í kostnaði við tannlækningar nr. 698/2010

• Næsta skref Senda Sjúkratryggingum Íslands upplýsingar um bankareikning (Skráð í Réttindagátt - mínar síður í flokknum"Mínar stillingar")
• Næsta skref Skoða gjaldskrá Sjúkratrygginga Íslands vegna tannlækninga
  

• Tengt efni Hafa samband
  
• Tengt efni Listi yfir umboð