Tannlækningar

Til að fá endurgreiðslu þarf að:

• koma frumritum reikninga til þjónustumiðstöðvar Sjúkratrygginga Íslands, Laugavegi 114, 150 Reykjavík. Þeir sem búa utan höfuðborgarsvæðis þurfa að koma sínum reikningum til umboða.
  
• veita Sjúkratryggingum upplýsingar um bankareikning hér á vefnum.

Tekið er við reikningum í pósti eða í afgreiðslu, þar sem þeir eru settir í sérstakt umslag.

Ef þú ert á ferð eftir lokun þjónustumiðstöðvar er póstkassi við innganginn en þar er hægt að setja umslög með reikningum allan sólarhringinn. Með reikningum þarf að koma skýrt fram hverjum á að greiða.

Verð á meðferð

Tannlæknar ákveða sjálfir verð á meðferð á sinni stofu. Heilbrigðisráðuneyti gefur út eigin gjaldskrá sem Sjúkratryggingar Íslands miða sínar endurgreiðslur við. Ef gjaldskrá tannlæknis er hærri en gjaldskrá ráðuneytis greiðir einstaklingur mismuninn þar á milli.

Samkvæmt reglum Samkeppnisstofnunar á gjaldskrá tannlækna að vera sýnileg til að auðvelda samanburð.

Fyrir aðra en lífeyrisþega og börn

Fyrir alla aðra taka Sjúkratryggingar Íslands aðeins þátt í kostnaði ef meðferðin er nauðsynleg vegna alvarlegra afleiðinga fæðingargalla, sjúkdóma og slysa. Einnig eru veittir styrkir vegna tannlækninga andlega þroskahamlaðra einstaklinga, en ákveðnar reglur gilda um þau tilvik.

• Tilvísun Lög um sjúkratryggingar nr. 112/2008. Sérstaklega 20. grein.
  

• Næsta skref Senda Sjúkratryggingum Íslands upplýsingar um bankareikning
• Næsta skref Skoða gjaldskrá heilbrigðisráðuneytis
  

• Tengt efni Hafa samband
  
• Tengt efni Listi yfir umboð