Ferðamenn erlendis
Sjúkratryggðir einstaklingar á Íslandi þurfa að huga að tryggingum sínum þegar ferðast er erlendis.
Í EES landi og Sviss
Ferðamaður í öðru EES landi nýtur ákveðinna réttinda til læknishjálpar innan hins opinbera heilbrigðiskerfis í viðkomandi landi. Einungis er átt við nauðsynlega þjónustu miðað við lengd dvalar.
Sjúkratryggingar Íslands hvetja alla til að sækja um evrópska sjúkratryggingakortið til að tryggja sér rétt til aðstoðar í viðkomandi landi.
Í landi utan EES
Ferðamaður í landi utan EES getur fengið hluta sjúkrakostnaðar síns endurgreiddan hjá Sjúkratryggingum Íslands þegar heim kemur samkvæmt ákveðnum reglum. Skila þarf þá inn frumriti reikninga ásamt staðfestingu á greiðslu.
Athugið að sjúkrakostnaður getur verið innifalinn í þeim tryggingum sem greiðslukortafyrirtæki bjóða þegar farseðlar eru greiddir með greiðslukortum.
Tryggingaryfirlýsing
Sjúkratryggingar Íslands gefa út sérstaka tryggingaryfirlýsingu til einstaklinga sem tryggðir eru hér á landi en hyggjast dvelja um styttri tíma erlendis í löndum sem eru utan EES svæðisins. Þar kemur fram að viðkomandi sé tryggður í almannatryggingum á Íslandi og hvað slík trygging felur í sér.
- Næsta skref Eyðublað Endurgreiðsla erlends sjúkrakostnaðar
- Næsta skref Eyðublað Dvöl erlendis - beiðni um tryggingaryfirlýsingu
- Næsta skref Sækja um evrópska sjúkratryggingakortið
- Tengt efni Listi yfir EES löndin
