Heilsugæsla
Sjúkratryggingar taka til læknishjálpar sem fer fram á heilsugæslustöðvum og hjá sjálfstætt starfandi heimilislæknum.
Að meginreglu er gert ráð fyrir því að samskipti sjúklings og læknis hefjist hjá heilsugæslu- eða heimilislækni.
Sjálfstætt starfandi heimilislæknar eru með samning við sjúkratryggingar sem þýðir að sjúkratryggingar niðurgreiða nauðsynlega þjónustu þessara lækna á grundvelli samningsins.
Sjúklingar greiða því það sama hvort sem heimilislæknir þeirra starfar á heilsugæslustöð eða er sjálfstætt starfandi.
Sjúkratryggðir greiða fyrir læknisþjónustu samkvæmt reglugerð um hlutdeild sjúkratryggðra í kostnaði vegna heilbrigðisþjónustu.
- Tengt efni Listi yfir heilsugæslustöðvar Vefur Landlæknisembættis
