Læknishjálp
Á Íslandi er læknishjálp og heilbrigðisþjónusta að meginreglu veitt á heilsugæslustöðvum, sjúkrahúsum og á stofum sérfræðinga.
Sjúkratryggingar taka almennt til læknishjálpar á vegum heilsugæslustöðva og sjúkrahúsa. Þá taka sjúkratryggingar til nauðsynlegra rannsókna og meðferðar hjá sérgreinalæknum sem samið hefur verið um.
Sjúkratryggðir einstaklingar greiða fyrir læknisþjónustu samkvæmt reglugerð um hlutdeild sjúkratryggðra í kostnaði vegna heilbrigðisþjónustu sem gefin er út af heilbrigðisráðuneyti.
Aldraðir og lífeyrisþegar greiða almennt lægra gjald. Börn greiða lægri gjöld eða engin fyrir læknisþjónustu. Öryrkjar sýna fram á stöðu sína með framvísun skírteinis frá Tryggingastofnun. Ellilífeyrisþegar með óskertan ellilífeyri geta sýnt fram á það með því að fá skírteini frá SÍ (grátt kort).
Þeir sem hafa verið atvinnulausir í 6 mánuði eða lengur og geta framvísað staðfestingu Vinnumálastofnunar þar um greiða sama gjald og lífeyrisþegar fyrir heilbrigðisþjónustu.
- Næstu skref Hvað á ég að greiða fyrir læknisþjónustu og heilsugæslu?
- Næstu skref Um afsláttarkort
- Tengt efni Um endurgreiðslur mikils læknis-, lyfja- og þjálfunarkostnaðar
- Tengt efni Listi yfir heilsugæslustöðvar Vefur Landlæknisembættis
- Tengt efni Hvert á að leita? Vefur Landlæknisembættis
- Tengt efni Vefur Vinnumálastofnunar
