Hverjir eru sjúkratryggðir?

Sjúkratryggðir einstaklingar greiða lægra gjald fyrir almenna heilbrigðisþjónustu og njóta margvíslegra annarra réttinda umfram þá sem ekki eru sjúkratryggðir.

EES ríkisborgarar sem flytja hingað til lands frá EES landi og Sviss eiga rétt á því að vera sjúkratryggðir hjá Sjúkratryggingum Íslands frá og með þeim degi sem lögheimilisskráningu er lokið hjá Þjóðskrá, svo framarlega sem þeir hafa verið skráðir í almannatryggingakerfi í fyrra búsetulandi. Þetta þýðir með öðrum orðum að tryggingaréttindi almannatryggingakerfa flytjast með einstaklingum milli EES landa og Sviss.

Einstaklingar sem flytja hingað til lands frá löndum utan EES eða hafa ekki verið skráðir í almannatryggingakerfi fyrra búsetulands innan EES og Sviss, verða sjálfkrafa sjúkratryggðir á Íslandi sex mánuðum eftir að lögheimilisskráningu er lokið hjá Þjóðskrá.

Börn yngri en 18 ára eru sjúkratryggð með foreldrum sínum. Sama á við um stjúpbörn og fósturbörn. Miðað er við skráningu í Þjóðskrá.



Til baka

 


Language:

Þetta vefsvæði byggir á Eplica