Dvalarkostnaður

Sjúkratryggingar Íslands taka þátt í óhjákvæmilegum dvalarkostnaði vegna sjúkrahúsinnlagnar barns. Annað foreldri eða forráðamaður fær þá styrk vegna dvalar á hóteli, gistihúsi, í orlofsbústað eða íbúð félagasamtaka.

Þetta á við ef það er að minnsta kosti 20 kílómetra vegalengd milli heimilis og sjúkrahúss.

Ef um erfiða sjúkdómsmeðferð vegna lífshættulegs sjúkdóms er að ræða er heimilt að slík greiðsla nái til beggja foreldra eða aðstandenda barns að 18 ára aldri.

Sjúkratryggingar Íslands taka ekki þátt í greiðslu dvalarkostnaðar og daglegra bílferða á sama tímabili.

Endurgreiðsla

Þegar sótt er um endurgreiðslu þarf að framvísa eftirfarandi í viðkomandi umboði hjá sýslumönnum á landsbyggðinni:

  • Kvittun fyrir dvalarkostnaði.
  • Staðfestingu frá sjúkrahúsi um sjúkrahúslegu barns.
  • Ef um er að ræða erfiða sjúkdómsmeðferð vegna lífshættulegs sjúkdóms þar sem báðir foreldrar óska endurgreiðslu skal jafnframt framvísa læknisvottorði.

Fjárhæðir

Sjúkratryggingar Íslands greiða 80% af dvalarkostnaði.

Þó er aldrei greitt meira en sem nemur 50% af daggjaldi til sjúkrahótels RKÍ.

Ef um báða foreldra er að ræða greiðist hámark 75% af daggjaldi til sjúkrahótels RKÍ.

Til baka

 


Language:

Þetta vefsvæði byggir á Eplica