Ríkisborgarar Norðurlandanna
Ríkisborgarar á Norðurlöndunum þurfa eingöngu að sýna fram á búsetu/tryggingu á Norðurlöndunum til að fá nauðsynlega heilbrigðisþjónustu á sama verði og þeir sem tryggðir eru á Íslandi. Hægt er að staðfesta búsetu t.d. með ES-korti (eða bráðabirgðaskírteini) eða sjúkratryggingakorti frá viðkomandi landi (sbr. gul sjúkratryggingakort frá Danmörku).
Koma til sérfræðilækna
Ferðamenn geta sótt um endurgreiðslu á reikningum vegna komu til sérfræðilækna utan samnings til Sjúkratrygginga Íslands en þá þarf að fylgja fylgiskjal með reikningum fyrir einstaklinga sem njóta réttinda skv. milliríkjasamningum:Einstaklingar geta einnig sótt um endurgreiðslu þegar heim er komið.
Gult sjúkratryggingakort frá Danmörku.
Heimflutningur sjúklinga frá Íslandi til síns heimalands
Sjúkratryggingar Íslands taka eingöngu þátt í kostnaði vegna heimflutnings Norðurlandabúa sem slasast eða veikjast hér á landi. Undir Norðurlöndin falla Danmörk, Finnland, Færeyjar, Grænland, Noregur og Svíþjóð. Ákvæðið um heimflutning gildir ekki um einstakling sem fær leyfi til að fara til annars norræns lands í þeim tilgangi að sækja meðferð.
Sjúkratryggingar Íslands taka ekki þátt í kostnaði vegna heimflutnings til þeirra sem ekki eru tryggðir á Norðurlöndunum.
Sækja þarf um heimflutning á eftirfarandi eyðublaði:Umsókn um greiðsluþátttöku vegna heimflutnings sjúklings skv 7.gr. Norðurlandasamningsins
