2. tölublað

Frettabref

Sjúkratryggingum Íslands hefur verið falið að endurgreiða kostnað sjúkratryggðra sem dvöldu á  sjúkrahótelinu Lind á tímabilinu 15. september 2005 til og með 30. september 2009. Unnt er að sækja  um endurgreiðslu með því að smella á hlekkinn hér fyrir neðan.

 

Í kjölfar álits umboðsmanns Alþingis frá árinu 2009 ákvað heilbrigðisráðuneytið (nú velferðarráðuneytið)  að endurgreiða kostnað vegna dvalar sjúkratryggðra einstaklinga á sjúkrahótelinu Lind, Rauðarárstíg 18, á tímabilinu 15. september 2005 til og með 30. september 2009. Alþingi samþykkti í desember 2010 sérstaka fjárveitingu vegna þessa. Óskað var eftir að Sjúkratryggingar Íslands (SÍ) myndu annast þessa endurgreiðslu.
 

Teljir þú þig eiga rétt á endurgreiðslu vegna dvalar á sjúkrahótelinu á ofangreindu tímabili þá smelltu hér:

Umsóknarfrestur er til 1. maí 2011 - Endurgreiðslur munu fara fram fyrir 15. júní 2011. 

 

Frekari upplýsingar:

Sími: 515-0000

Tölvupóstur: sjukra@sjukra.is

 

Ítarefni

Þann 9. september 2009 gaf umboðsmaður Alþingis álit (nr. 5002/2007)  þar sem hann komst að þeirri niðurstöðu að ekki hafi verið til staðar lagaheimild til töku gjalds fyrir dvöl á sjúkrahóteli en eitt slíkt var starfrækt á Íslandi, Fosshótel Lind á Rauðarárstíg.  Sjúkratryggingum Íslands hefur af því tilefni verið falið að endurgreiða þeim sem greiddu gjald þetta vegna dvalar á sjúkrahótelinu á tímabilinu september 2005 til september 2009. Endurgreiðslan er í samræmi við dvalarkostnaðinn sem var 800 kr. á sólarhring að viðbættum vöxtum.

Með lögum nr. 131/2009, um breytingu á lögum um sjúkratryggingar, sem tóku gildi 18. desember 2009 hefur gjald þetta fengið viðhlítandi lagastoð. 

Til baka

 


Language:

Þetta vefsvæði byggir á Eplica