Réttindagátt og Gagnagátt - rafræn samskipti við SÍ

SÍ eru nú að hefja í rauntíma rafræna miðlun um m.a. réttindastöðu sjúkratryggðra til veitenda heilbrigðisþjónustu. Um áramótin opnar á www.sjukra.isRéttindagátt (mínar síður einstaklinga) og Gagnagátt (mínar síður veitenda heilbrigðisþjónustu) verður endurskoðuð.

Sjúkratryggingar Íslands (SÍ) skilgreina sig sem uppfærslu, varðveislu- og miðlunaraðila réttindaskrár sjúkratrygginga en hún geymir upplýsingar um réttindastöðu sjúkratryggðra einstaklinga, s.s. afsláttarkort, lyfjaskírteini ofl.

Rafræn miðlun í rauntíma

SÍ eru nú að hefja rafræna miðlun í rauntíma til veitenda heilbrigðisþjónustu um m.a. réttindastöðu sjúkratryggðra. Þetta þýðir að sérfræðilæknar, heilsugæsla, sjúkrahús og lyfsalar geta nálgast nægjanlegar upplýsingar til að ákvarða rétta kostnaðarþátttöku hins sjúkratryggða án frekari staðfestinga eða framvísunar hans á réttindastöðu sinni. Ávinningur af rafrænni miðlun réttindastöðu er margháttaður t.d. þarf ekki að gefa út kort til sönnunar stöðu, sjúkratryggður fær ávallt rétt sinn og veitendur geta verið öruggir um rétta afgreiðslu á grundvelli upplýsinga úr réttindaskrá. Viðskiptakostnaður í kerfinu lækkar og hagkvæmni eykst.

Réttindagátt og Gagnagátt

Forsenda þess að SÍ miðli upplýsingum til veitenda heilbrigðisþjónustu er undangengin miðlun til hins sjúkratryggða. Um áramótin verður opnuð Réttindagátt (mínar síður einstaklinga) á vef Sjúkratrygginga Íslands www.sjukra.is fyrir sjúkratryggða einstaklinga þar sem þeir geta skoðað og stýrt miðlun eigin upplýsinga. Samhliða henni verður Gagnagátt (mínar síður veitenda heilbrigðisþjónustu) endurskoðuð. 

Ef spurningar vakna má senda póst á heidar.arnarson@sjukra.is.

 

Til baka

 


Language:

Þetta vefsvæði byggir á Eplica